மத்திய நிதியமைச்சர் நிர்மலா சீதாராமன் கடந்த 1ம் தேதி நாடாளுமன்றத்தில் மத்திய பட்ஜெட்டை தாக்கல் செய்தார்.
அதற்கு முன்னதாக, கடந்த ஜன.29ம் தேதி அதிகபட்சமாக ஒரே நாளில் சவரனுக்கு ரூ.9,520 உயர்ந்து கிராம் ரூ.16,800க்கு விற்பனையான ஆபரணத் தங்கத்தின் விலை, அதன் பிறகு ஏற்ற, இறக்கத்தை சந்தித்து வருகிறது.
கடந்த ஜன.30 மற்றும் 31ம் தேதிகளில் சவரனுக்கு ரூ.7,600 வீதம் 2 நாட்களில் 22 காரட் ஆபரணத்தங்கம் ரூ.15,200 என்ற அளவில் விலை வீழ்ச்சியை சந்தித்தது.
அதன் பிறகும், தொடர்ந்து ஏற்ற, இறக்கத்தில் இருந்து வரும் தங்கத்தின் விலை, தற்போது பிப். 16, 17 ஆகிய 2 நாட்களில் மட்டும் சவரனுக்கு ரூ.1,920 குறைந்துள்ளது.
இதனால், சென்னையில் ஆபரண தங்கத்தின் விலை சவரனுக்கு இன்று ஒரேநாளில் ரூ.960 குறைந்து கிராம் ரூ. 15,621க்கும் சவரன் ரூ.1 லட்சத்து 14 ஆயிரத்து 520க்கும் விற்பனையாகி வருகிறது.
அதே நேரத்தில், வெள்ளி விலை கடந்த 2 நாட்களாக எந்த மாற்றமும் இன்றி கிராம் ரூ.265 ஆகவும் ஒரு கிலோ கட்டி வெள்ளி ரூ.2 லட்சத்து 65 ஆயிரமாகவும் நிலை கொண்டுள்ளது.
