சர்வதேச சந்தை செயல்பாடுகளின் அடிப்படையில் தங்கம் விலை நாள்தோறும் மாற்றி அமைக்கப்படுகிறது. ஈரான் மீதான அமெரிக்கா, இஸ்ரேல் கூட்டுப்படை தாக்குதலினால், மேற்கு ஆசிய பகுதிகளில் ஏற்பட்டுள்ள போர் பதற்றம் காரணமாக தங்கம் விலையில் நிலையற்றத்தன்மை நிலவுகிறது.
சென்னையில் தங்கத்தின் விலை கடந்த 2 நாட்களில் (மார்ச் 28, 29) முறையே ரூ.640, ரூ.1,840 என மொத்தம் ரூ.2,480 உயர்ந்த நிலையில், இன்று ஆபரணத் தங்கத்தின் விலை சவரனுக்கு ரூ.480 குறைந்து, ஒரு சவரன் ஒரு லட்சத்து 8 ஆயிரத்து 800க்கும் கிராமுக்கு ரூ. 60 குறைந்து, ஒரு கிராம் தங்கம் ரூ.13,600க்கும் விற்பனையாகிறது.
அதே நேரம், சில்லறை விற்பனையில் வெள்ளி விலையில் எந்த மாற்றமுமின்றி, கிராம் வெள்ளி ரூ.250க்கும், ஒரு கிலோ பார் வெள்ளி 2 லட்சத்து 50 ஆயிரத்துக்கும் விற்கப்படுகிறது.
