சர்வதேச பொருளாதாரம் மற்றும் அரசியல் சூழல், அமெரிக்க டாலருக்கு நிகரான இந்திய ரூபாயின் மதிப்பு, தங்கம் மற்றும் உலக பங்குச்சந்தை முதலீடு ஆகியவற்றின் அடிப்படையில், தங்கத்தின் விலை ஒவ்வொரு நாளும் மாற்றி நிர்ணயிக்கப்படுகிறது.
சமீப காலமாக ஈரான் போர், உலக பொருளாதாரம் உள்ளிட்டவற்றால் தங்கத்தின் விலை ஏற்ற, இறக்கத்துடன் காணப்படுகிறது.
தொடர்ந்து ஏற்ற இறக்கத்துடன் நிலை கொண்டுள்ள ஆபரணத் தங்கத்தின் விலை, வாரத்தின் முதல் நாளான திங்களன்று காலையில் சவரனுக்கு ரூ.1,120 குறைந்தும், மாலையில் சவரனுக்கு ரூ.1,440 உயர்ந்தும் அதிர்ச்சி அளித்தது.
கடந்த செவ்வாயன்று 22 காரட் தங்கம் விலை சவரனுக்கு ரூ.1,040 குறைந்தும் நேற்று ரூ.2,720 உயர்ந்தும் விற்பனையானது.
இந்நிலையில், இன்று தங்கம் விலை சவரனுக்கு ரூ.1,600 குறைந்து ஆபரணத் தங்கம் ஒரு கிராம் ரூ.14,000க்கும் சவரன் ஒரு லட்சத்து 12 ஆயிரம் ரூபாய்க்கும் விற்பனை செய்யப்படுகிறது.
சென்னையில் சில்லறை வர்த்தகத்தில் ஒரு கிராம் வெள்ளி நேற்று ரூ.265 ஆக இருந்த நிலையில், இன்று 5 ரூபாய் குறைந்து ஒரு கிராம் ரூ.260க்கும், கிலோவுக்கு ரூ.5,000 குறைந்து கிலோ கட்டி வெள்ளி 2 லட்சத்து 60 ஆயிரம் ரூபாய்க்கும் விற்பனையாகிறது.
